نكات الحرب

نكات الحرب

احدى نكات الحرب المشهورة والقديمة ان جنديا عراقيا كان في الجبهة و هجم عليه الجيش الايراني ؛ وهو يحفر موضع بالمعول سمع رنة معدنية وهو ينبش وجد مصباح قديم مثل مصباح علاء الدين فركه حتى ينظفه - كل هذا و القذائف تنزل بصفه - طلع المارد شبيك .... وتعرفون الكليشة الباقية

جاوبه الجندي : اريد انزل اجازة .

المارد: انا مارد مو آمر لواء بس هم محلولة اقدر اصير انسان يشبهك وانت افلت لبيتكم ولا يشوفك ا.ع.

وبعد شهر من يصير وقت اجازتك افرك المصباح والبي النداء وما قال المارد ان شاء الله .ما اريد اطول عليكم وانا صدقا طولت بس بعد شهر فرك المصباح ولا حس ولا خبر............ سنطة مل الجندي وقذف المصباح على حائط غرفته انطلقت لافتة سوداء كتب عليها الاية ولا تحسبن الذين قتلوا في سبيل الله اموات ............الفاتحة على روح الشهيد .................الذي ذكرني بهذه النكتة هو اني اليوم قرابة العاشرة صباحا بنوقيت بغداد كنت قريبا من عبوة ناسفة انفجرت بحي القاهرة وكان اول شئ فكرت به هو امكانية ان تكون المدونة ذكية بحيث تنعى صاحبها الكترونيا

محمد اقدام 4-11-2008